Koregaon Bhima Ground Report

२०१५ नंतर साधारणतः एकूणच भारतात व महाराष्ट्रातील वातावरण धार्मिक आणि जातीवादाकडे झुकत होते व पुन्हा हिंदू राष्ट्र येणार असे इतरांना वाटत होते

भिडे व एकबोटे यांनी गव्हाणे व फडतरे यांच्या करवी गाव बंद पुकारला, असे तक्रारदार अंधारे यांचे म्हणणे खोटे व शंकास्पद ठरते. फडतरे तर गेली काही वर्ष राष्ट्रवादी काँग्रेस सोबत जवळीक ठेवून आहेत, मग ते हिंदुत्ववादी भिडे व एकबोटे यांचे ऐकून गाव बंद करून दलितांवर हल्ला करण्याच्या कटात सामील होतील का? असा प्रश्न ही पडतो.

एकीकडे १ जानेवारीला विजयस्तंभाला मानवंदना देण्यास आलेले दलित बांधव (प्रामुख्याने नवबौद्ध, महार) वढू बु. येथे येऊ लागले असताना दुसरीकडे आसपासच्या गावातील प्रामुख्याने विविध सामाजिक व राजकीय विचारधारेचे मराठा समाजाचे तरुणही जमू लागले. त्यापैकी अनेकांनी भगवे झेंडे हाती घेतले होते.