मुलींचा जन्मदर वाढवण्यासाठी या गावाने घेतलेला उपक्रम कौतुकास्पद आहे!!
आमचे सर्व लेख मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । शेअरचॅट
===
उत्साहवर्धक साक्षरता दर असूनही झारखंड राज्यातील ‘भारतिया’ गावाचे स्त्री-पुरुष लिंग गुणोत्तर प्रति १,००० पुरुषांमागे ७४० महिला आहे, जे राष्ट्रीय सरासरी ९४३ आणि राज्य सरासरी ९४८ पेक्षा खूपच कमी आहे. इतर मागासवर्गीय आणि आदिवासी असलेले हे गाव. मुलींचा जननदर वाढावा यासाठी आता या गावाने एक अभिनव उपक्रम सुरू केला आहे.
इथून पुढे गढवा जिल्हा मुख्यालयापासून सुमारे ७ किलोमीटर अंतरावर ‘भरतीया’ गावातील घरे मुलींच्या नावांनी ओळखली जातील.घटत्या लिंग गुणोत्तरामुळे, ग्राम-पंचायतीने जिल्हा प्रशासनाच्या सहकार्याने त्यांच्या मुलींच्या नावाने त्यांच्या घराच्या आधी नेमप्लेट लावण्याचा अनोखा उपक्रम हाती घेतला आहे जेणेकरून लोकांना लैंगिक समानतेबद्दल जागरूक केले जाईल कारण गावातील लिंग गुणोत्तराचे प्रमाण राज्यात सर्वात जास्त आहे.
- एक सामान्य मुलगी ते भारताची पहिली महिला फोटोजर्नलिस्ट – प्रवास जाणून घ्या!
- विचित्र वाटेल, पण हे अंतर्वस्त्र नको म्हणून महिलांनीच आंदोलन केलं होतं…वाचा
–
जे लोक मुलींच्या नावाने नेमप्लेट लावतील, त्यांच्या घराजवळ फळ देणाऱ्या झाडांचे रोपटे लावण्यात येतील. गावच्या मुखीया बिंदू देवी यांच्या म्हणण्यानुसार, ११३ घरांपैकी जवळजवळ ६० कुटुंबांनी त्यांच्या मुलींच्या नावावर नेमप्लेट लावण्यास आधीच सहमती दर्शवली आहे, तर इतरांना पटवून देण्यासाठी अजूनही चर्चा सुरू आहे.
“आतापर्यंत, आम्ही जवळपास ६० कुटुंबांना त्यांच्या मुलींच्या नावावर नेमप्लेट लावण्यास राजी केले आहे, तर उर्वरित कुटुंबांना या कल्पनेने पटवून देता आले नाही. ते म्हणाले की नेमप्लेट्सची गरज नाही कारण ती मुलगी आणि मुलगा यांच्यात फरक करत नाही, ” ग्रामपंचायत मुखिया बिंदू देवी यांनी सांगितले. तथापि, मोहिमेचा एक भाग बनण्यासाठी त्यांना या उपक्रमाचे महत्व पटवून देण्यासाठी अद्याप चर्चा सुरू आहे, असेही त्या म्हणाल्या.
स्थानिक ग्रामस्थांनीही या उपक्रमाचे कौतुक करत म्हटले की, या उपक्रमामुळे ग्रामस्थांमध्ये सकारात्मक संदेश पोहोचण्यास मदत होईल.प्रगतिच्या दिशेने टाकलेले हे एक पाऊल गावकऱ्यांना योग्य संदेश देण्यास मदत करेल आणि अधिक लोक महिलांना योग्य तो सन्मान देण्यासाठी पुढे येतील.
समाजातील महिलांच्या भूमिकेविषयी लोकांना शिक्षित करण्यासाठी आणि त्यांच्या सक्षमीकरणासाठी कार्य करण्यासाठी स्थानिक प्रशासनाने सुरू केलेल्या मोहिमेचा हा परिणाम असल्याचे म्हटले जाते. उपजिल्हाधिकारी तथा शिक्षणाधिकारी संजयकुमार पांडे यांनी गावकऱ्यांना एकत्र करण्यात मोलाचे योगदान दिले होते.
बिन्दु देवी म्हणाल्या की, पांडे यांनी त्यांच्याशी आणि गावातील लोकांशी नियमीत संवाद साधला. आणि आम्हाला प्रेरित केले. जरी जिल्हा प्रशासनाकडून मोहीम सुरू केली गेली असली तरी ती यशस्वी करण्यासाठी ग्रामस्थांचा सहभाग देखील महत्त्वाचा आहे. म्हणून, कल्पना समजावून सांगण्यासाठी ग्रामप्रमुख, ग्राम प्रतिनिधी आणि मुखिया यांच्यासोबत अनेक फेऱ्या झाल्या.
“या भागाला भेट देताना, मी पाहिले की भरतीया गावाचे लिंग गुणोत्तर राष्ट्रीय आणि राज्य सरासरीपेक्षा तुलनेने कमी आहे, म्हणून, मी या समस्येचा सामना करण्यासाठी ग्रामस्थ आणि मुखिया यांच्याशी संपर्क साधण्याच्या अनेक फेऱ्या केल्या आणि लिंग समानतेचे महत्व त्यांना पटवून द्यायचा प्रयत्न केला. याचाच एक भाग म्हणून मुलीचे नाव नेमप्लेटवर तिच्या आईसह ठेवण्यात येईल” पांडे म्हणाले.
पांडे असेही म्हणाले की, ‘नेमप्लेट कॅम्पेन’ ही फक्त एक सुरुवात आहे, कारण आता गावातील महिलांनाही मुलींप्रती पुरुषांची मानसिकता बदलण्याच्या उद्देशाने मोहिमांची मालिका सुरू करण्यास प्रोत्साहित केले जाईल. स्त्रियांना समाजात योग्य मान्यता मिळणे महत्वाचे आहे कारण लग्न झाल्यानंतर त्यांची ओळख हरवण्याची प्रवृत्ती असते.
- नागपूरच्या २०० दलित महिलांनी चक्क भर कोर्टात एका नराधमाला यमसदनी धाडलं!
- आईच्या वेदना पाहून त्याने जे केलं त्यासाठी जगभरातील महिला त्याचे आभार मानतील
–
या प्लेट्सवरील त्यांची नावे त्यांना आत्मविश्वास आणि अभिमानाची भावना देतील,” संजयकुमार म्हणाले. नेमप्लेटवर पिवळ्या पार्श्वभूमीत त्यांच्या आईच्या नावांसह मुलींची नावे लिहिली जातील कारण ‘पिवळा’ आशेच्या आणि प्रकाशाच्या प्रकाशाचे प्रतीक आहे तर ही नावे ‘आकाशी निळ्या’ रंगाने लिहिली जातील, कारण नीला रंग ‘निळ्या क्षितिजाचे’ प्रतीक आहे. स्थानिक आमदार आणि राज्याचे पेयजल व स्वच्छता मंत्री ‘मिथिलेश ठाकूर’ यांच्या हस्ते मोहिमेचा शुभारंभ होणार आहे.
===
इनमराठीच्या अपडेट्स शेअरचॅटवर मिळवण्यासाठी क्लिक करा: इनमराठी शेअरचॅट ग्रुप
–
आता इनमराठीच्या लेखाच्या अपडेट्स मिळवा टेलिग्रामवर! जॉईन करा टेलिग्राम चॅनल: https://t.me/InMarathi
–
आमचे इतर लेख वाचण्यासाठी क्लिक करा: InMarathi.com | आमचे सर्व लेख मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । शेअरचॅट | Copyright © InMarathi.com | All rights reserved.
