आमचे सर्व लेख मिळवण्यासाठी फॉलो करा : फेसबुक | ट्विटर | इंस्टाग्राम |
===
आज जगभरात भीतीची लाट पसरली आहे. प्रत्येक देश आता करोना व्हायरस मुळे चिंताग्रस्त आहे. घरातून बाहेर पडायला, गर्दीच्या ठिकाणी जायला सगळेजण घाबरत आहेत.
भारतात देखील सरकारने जमावबंदी करायला, २५ पेक्षा जास्त लोकांना एकत्र यायला मनाई केली आहे. मॉल्स्, सिनेप्लेक्स, सिनेमागृह, नाट्यगृह, बाग-बगीचे अशी महत्त्वाची नसणारी, अत्यावश्यक नसणारी ठिकाणे बंद ठेवण्याचे आदेश दिले आहेत सरकारने.
शाळा सुद्धा बंद ठेवण्याचा निर्णय घेण्यात आला आहे. काही ऑफिसेस मध्ये सुद्धा लोकांना “वर्क फ्रॉम होम” देण्याचा निर्णय घेतला आहे.
करोना व्हायरसने जगभर धुमाकुळ घातला आहे, लोकांमध्ये भीतीचे सावट पसरले आहे. ह्या व्हायरसच्या संसर्गावर इलाज शोधण्याचे प्रयत्न चालू आहेत पण ह्या व्हायरसमुळे होणाऱ्या रोगावर अद्याप काहीही औषध नाही.
मग काय करणार? “Prevention is better than Cure!” ह्या पार्श्वभूमीवर करोनाचा संसर्ग टाळण्यासाठी वेगवेगळ्या माध्यमांतून अनेक जाहिराती करण्यात येत आहेत!
तसेच हॅंड सॅनिटायझर्स् वापरण्याचे आदेश आले आहेत, सार्वजनिक ठिकाणी मास्क लावण्याचे आदेश देण्यात आले आहेत सरकारकडून! आणि आता अशी परिस्थिती आली आहे की देशात हॅंड सॅनिटायझर्स् आणि फेस मास्क ह्यांची टंचाई भासू लागली आहे
अशा वेळी काही तरी ठोस निर्णय घेण्याचा प्रयत्न प्रत्येक राज्यातील सरकार करत आहे. करोनाचा प्रादुर्भाव झपाट्याने होत आहे आणि एकीकडे तो अटोक्यात आणण्याचे प्रयत्न चालू असतानाच दुसरीकडे त्याचा संसर्ग होऊ नये म्हणून प्रत्येक राज्यातील सरकार प्रयत्नशील आहे.
करोना व्हायरस रूग्णांच्या मोजणीच्या अहवालानुसार कोरोना प्रादुर्भाव असणारे केरळ हे भारतातील पहिले राज्य बनले. काही दिवसातच आणखी दोन प्रकरणे उघडकीस आली.
पहिल्या तीन प्रकरणांच्या एक महिन्यानंतर मार्चच्या पहिल्या आठवड्यात नव्या प्रकरणांची दुसरी लाट सुरू झाली. रविवारी, केरळमध्ये करोना व्हायरसच्या २२ पॉझिटिव्ह रुग्णांची नोंद झाली आहे.
हे भारतातल्या इतर राज्यांपैकी सर्वात जास्त रूग्ण संख्या असणारे आहे. या प्रकरणांपैकी एक ३ वर्षाचा मुलगा आहे ज्याची ९ मार्च रोजी पॉझिटिव्ह पुष्टी झाली आहे. ह्या कोरोना विषाणूमुळे आधीच भारतात दोन व्यक्तींचा मृत्यू झाला आहे.
करोना व्हायरसचा वाढता संसर्ग लक्षात आल्यावर सर्वत्र मुखवट्यांची तीव्र टंचाई जाणवू लागली. बर्‍याच वैद्यकीय दुकानांमध्ये ‘नो-स्टॉक’ बोर्ड दर्शविले गेले आहेत, एकदा वापरलेले मास्क ब्लॅकमध्ये किंवा कमीत कमी किंमतीत विकत असल्याच्या काही घटनाही उघडकीस आल्या आहेत
आता फ़ेस मास्क कमी पडत आहेत ह्यासाठी केरळच्या सरकारने कौतुकास्पद निर्णय घेतला आहे. केरळचे मुख्यमंत्री पिनारयी विजयन यांनी शनिवारी ट्विट केले की त्यांचे सरकार या समस्येवर तोडगा काढला आहे.
केरळमधील सरकारने राज्य कारागृहात दोषी कैद्यांना मुखवटा तयार करण्यासाठी तैनात केले आहेत, त्यामुळे त्यांचा पुरवठा नियमितपणे सुरू आहे, असे ते म्हणाले.
गेल्या दोन आठवड्यांत मिळालेल्या माहितीनुसार करोना व्हायरसच्या संख्येत भारतामध्ये मोठी वाढ झाली आहे आणि आता रूग्णांची संख्या १०७ वर आली आहे.
रूग्णांची संख्या जसजशी वाढत आहे तसतसे प्रतिबंधात्मक उपाय म्हणून लोक मोठ्या प्रमाणात फेस मास्क विकत घेत आहेत त्यामुळे ह्या फेस मास्कची प्रचंड प्रमाणात कमतरता जाणवू लागली आहे.. त्यादरम्यान, मुखवटा टंचाईला तोंड देण्यासाठी केरळ सरकारने एक अनोखा मार्ग पुढे आणला आहे.
तिरुअनंतपुरम कारागृहात कैद्यांनी तयार केलेल्या फेस मास्कच्या पहिल्या तुकडीची छायाचित्रे दाखवत मुख्यमंत्री म्हणाले, “टंचाईच्या पार्श्वभूमीवर राज्यातील कारागृहांना मुखवटा तयार करण्यासंदर्भात निर्देश देण्यात आले. त्यांनी मुखवटे तयार केले आणि हे काम “युद्धपातळीवर” सुरू झाले.
फेस मास्कच्या टंचाईच्या पार्श्वभूमीवर राज्यातील कारागृहांना मुखवटा तयार करण्यासंदर्भात निर्देश देण्यात आले. याची सुरुवात युद्धपातळीवर झाली आहे. आज तिरुअनंतपुरम कारागृहातील तुरूंगातील अधिकार्यांनी मास्क बनवणाऱ्यांची पहिली तुकडी तयार केली आहे.
आताच्या घडीला केरळमध्ये अनेक राज्य कारागृहामधून अशा उत्पादक तुकड्या कार्यरत आहेत.
इकॉनॉमिक टाइम्सच्या वृत्तानुसार, केरळ सरकारने केरळ राज्य औषधे आणि फार्मास्युटिकल्स (केएसडीपी) च्या मदतीने हँड सॅनिटायझर्सचा पुरवठा वाढविण्याचा प्रयत्न केला आहे. केएसडीपी येत्या १० दिवसांत १० लाख बाटल्या हँड सॅनिटायझर्सची निर्मिती करणार आहे.
करोना व्हायरसच्या संसर्गाच्या भीतीनंतर बाजारात मास्कची तीव्र कमतरता लक्षात घेता केरळमधील कैदीही करोना व्हायरस विरूद्ध लढायला सज्ज होत आहेत. केरळमधील सात जिल्ह्यांमधील कारागृहांना जोडलेल्या टेलरिंग युनिटमध्ये फेस मास्क शिवण्यात येत आहेत.
केरळमधील सात जिल्ह्यांतील कारागृहांमध्ये संलग्न टेलरिंग युनिट्सनी तिरुअनंतपुरममधील सरकारी सॅट हॉस्पिटलच्या इन-हाऊस ड्रग बँक (आयएचडीबी) बरोबर हातमिळवणी करून पुन्हा वापरण्यायोग्य सुती मास्कचे उत्पादन सुरू केले आहे.
भारतात करोनाची लागण झालेल्या रुग्णांची संख्या ९० च्या वर गेली असतानाच, केरळचे मुख्यमंत्री पिनाराई विजयन यांनी शनिवारी रात्री ट्विटरवरुन मुखवटाचा पुरवठा सुरू ठेवण्यासाठी आपले सरकार सज्ज असल्याचे सांगितले आहे.
मुखवटा तयार करण्यासाठी सरकारला तुरूंगातील कैद्यांना हाताशी धरण्याचे आदेश देण्यात आले आहेत.
केरळचे मुख्यमंत्री पिनरयी विजयन् यांनी निळ्या फेस मास्कच्या गठ्ठ्यांच्या प्रतिमा ‘मास्क टंचाईचे निराकरण’ या मथळ्यासह शेअर केल्या आहेत.
“मास्कच्या टंचाईच्या पार्श्वभूमीवर राज्यातील कारागृहांना मुखवटा तयार करण्यासंदर्भात निर्देश देण्यात आले होते,” असे ते पुढे म्हणाले, “याची सुरुवात युद्धपातळीवर सुरू झाली आहे. आज, तिरुअनंतपुरम कारागृहातील तुरूंगातील अधिकार्यांनी मास्क शिवणारी पहिली तुकडी तयार केली आहे.
केरळ सरकारने मुखवटा तयार करण्यासाठी राज्य कारागृहात टेलरिंग युनिट वापरल्या आहेत. तसेच केरळ राज्य ड्रग्स अँड फार्मास्युटिकल्स (केएसडीपी) च्या माध्यमातून सॅनिटायझर्सचा पुरवठा वाढविण्याचा प्रयत्न केला आहे.
केरळच्या आरोग्य मंत्रालयाच्या सर्वेक्षणानुसार, कोरोना व्हायरसच्या संसर्गाच्या संशयाने अनेक लोक निरीक्षणाखाली आहेत. दुसर्या देशातून येणाऱ्या प्रवाशांच्या तपासणीसाठी राज्य सरकारने विमानतळ जवळ काळजी केंद्रे सुरू केली आहेत
केवळ चेहरा मुखवटेच नव्हे तर केरळमध्ये साथीच्या रोगाचा प्रसार तसेच खबरदारीच्या फायद्यांबद्दलच्या सूचना आणि सूचनांबाबत विजयन नियमितपणे ट्वीट करत आहे.
केरळ सरकारच्या या निर्णयामुळे सोशल मीडियावर आनंदाचे वातावरण निर्माण झाले आहे आणि या संकटाला तोंड देण्याच्या केरळ सरकारच्या तयारीची अनेकांनी प्रशंसा केली आहे. केरळ सरकारच्या ह्या निर्णयाचे सर्व स्तरातून कौतुक होत आहे.
===
आमचे इतर लेख वाचण्यासाठी क्लिक करा: InMarathi.com | आमचे सर्व लेख मिळवण्यासाठी फॉलो करा : फेसबुक | ट्विटर | इंस्टाग्राम | Copyright © InMarathi.com | All rights reserved.
