किंग खानला प्रिय असलेल्या ‘मन्नत’ बद्दल ही खास माहिती तुम्हाला नक्कीच ठाऊक नसेल

इनमराठी टीम

3 years ago

आमचे सर्व लेख मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । शेअरचॅट

===

शाहरुख खान म्हणजेच बॉलीवूडचा किंग खान.

शाहरुखचे चाहते केवळ भारतातच नाही तर जगात सर्वत्र आहेत.

त्याची एक झलक बघण्यासाठी त्याच्या घराबाहेर झालेली गर्दी आपण सर्वांनीच यापुर्वी पाहिली आहे.

शाहरुख खान या नावाभोवती जेवढं वलय आहे, तितकीच प्रसिद्धी त्याच्या मन्नत घरालाही वेळोवेळी मिळते.

जर तो नाहीच दिसला तर त्याच्या बंगल्याबाहेर लागलेल्या “मन्नत”च्या पाटीबरोबर फोटो काढूनच समाधान मानतात.

कारण जेवढी पॉप्युल्यारीटी शाहरुखची आहे तेवढीच मन्नतची देखील आहे.पण तुम्ही शाहरुखचे कितीही मोठे चाहते असाल तरी तुम्हाला त्याच्या मन्नत बद्दल ह्या गोष्टी माहित नसतील.

–

हा बंगला मिळविण्यासाठी त्याला खूप विनंती करावी लागली होती.

शाहरुखचा हा शानदार बंगला त्याने बनवून नाही घेतला, तर हा बंगला त्याने एका गुजराती व्यवसायिकाकडून विकत घेतला आहे. जे कधी काळी त्याचे शेजारी होते. जेव्हा शाहरुखने पहिल्यांदा हा बंगला बघितला तेव्हाच त्याला आवडला.

ह्या बंगल्याचे तेव्हाचे मालक नरिमन दुबेशी ह्यांना खूप विंनती केल्यानंतर शेवटी त्यांनी त्यांचा हा अलिशान बंगला १३.३२ कोटी रुपये किंमतीत शाहरुखला विकला.

तुम्हाला हे ऐकून आश्चर्य वाटेल की, शाहरुखला त्याच्या घरी एक विशेष प्रार्थनास्थळ बनवायचे होते. म्हणून त्याला त्याचे घर डिझाईन करवून घ्यायचे होते.

पण हा बंगला त्याला पहिल्याच नजरेत भावला आणि त्याने हा विकत घेण्याचा ठाम विचार केला.

–

एका मुलाखतीत शाहरुखने सांगितले होते की, जर तो कधी पूर्णपणे उध्वस्त झाला तरी तो आपलं सर्व काही विकून टाकेल पण ‘मन्नत’ कधीही विकणार नाही.

ह्यावरून लक्षात येते की, त्याच्यासाठी मन्नत किती महत्वाचा आहे.

मन्नतचे नाव आधी ‘विला विएना’ होते

जेव्हा हा बंगला नरिमन दुबेशी ह्यांच्या मालकीचा होता तेव्हा त्याचं नाव ‘विला विएना’ होतं. पण जेव्हा शाहरुखने हा बंगला विकत घेतला तेव्हा त्याने ह्या बंगल्याचं नाव मन्नत ठेवले.

आज ह्याची किंमत २०० कोटींहून अधिक आहे

शाहरुख खानने त्यावेळी हा बंगला १३.३२ कोटीला विकत घेतला होता. आज ह्याची किंमत २०० कोटीच्या घरात आहे.

शाहरुखचा हा बंगला जगातील सर्वश्रेष्ठ घरांच्या लिस्टमध्ये दाखल झाला आहे.

ह्या बंगल्यात एक शानदार लॉज आणि त्यासोबतच मोठा स्टुडिओ देखील आहे. ह्याचं इंटिरियर एवढं अप्रतिम आहे की बघणारा बघतच राहतो.

६ हजार स्क्वेअर फूटच्या परिसरात पसरलेला हा बंगला सहा मजल्यांचा आहे.

ज्यामध्ये पाच बेडरूम, दोन लिविंग रूम, एक गेस्ट रूम आहे. सोबतच ऑफिस, लायब्ररी, जिम, मनोरंजन रूम आणि कार पार्किंगसाठी देखील खूप जागा आहे.

ह्या बंगल्याचं इंटेरियर शाहरूखची पत्नी गौरी हिने केले आहे. ह्याला पूर्णपणे डिझाईन करण्यासाठी तिला चार वर्षांपेक्षा जास्त वेळ लागला.

शाहरुखचा ‘मन्नत’ हा बंगला एवढा मोठा आहे की त्यात २२५ लोक आरामात राहू शकतील…

===

इनमराठीच्या अपडेट्स शेअरचॅटवर मिळवण्यासाठी क्लिक करा: इनमराठी शेअरचॅट ग्रुप

–

आता इनमराठीच्या लेखाच्या अपडेट्स मिळवा टेलिग्रामवर! जॉईन करा टेलिग्राम चॅनल: https://t.me/InMarathi

–