या तरुणाच्या एका प्रयोगाने आता बाईक देऊ शकते १५३ किमी प्रतीलिटर इतके अॅव्हरेज

आमचे सर्व लेख मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । शेअरचॅट

–

व्हिडिओजसाठी फॉलो करा : इनमराठी युट्यूब चॅनल 

===

बाईक हा आपल्यापैकी अनेकांच्या आयुष्यातील अविभाज्य भाग आहे. सध्याचे पेट्रोलचे दर पाहता, बाईक वापरणं सुद्धा फारच महाग झाल्याचं दिसून येतंय. पेट्रोलचे दर जर असेच वाढत राहिले, तर दुचाकी वापरायची कशी, असा प्रश्न जर तुम्हाला पडला असेल, तर

उत्तर प्रदेशच्या एका तरुणाने एक अशी टेक्निक शोधून काढली आहे ज्याच्याने आता बाईक १ लिटर पेट्रोलमध्ये १५३ किलोमीटरचे एवरेज… हो तुम्ही बरोबर वाचलं, १५३ किलोमीटर पर लिटर! म्हणजे कुठल्याही नॉर्मल बाईकच्या एव्हरेजच्या दुप्पट.

 

 

आता आपल्याला नक्कीच असं वाटत असणार की, बाईक एवढा एव्हरेज देऊच कशी शकते? तर एका तरुणाने हे करून दाखवले आहे. आणि त्याच्या या टेक्निकला उत्तर प्रदेशच्या कौन्सिल फॉर सायन्स अंड टेक्नोलॉजी तसेच एला राष्ट्रीय इन्स्टिट्यूटने देखील प्रमाणित केले आहे.

आणि ही टेक्निक एवढी स्वस्त आहे की, अवघ्या काहीशे रुपयांत एक छोटासा बदल करून बाईकचे एव्हरेज १५३ किलोमीटर प्रतिलिटर पर्यंत वाढवता येते.

—

आमचं युट्यूब चॅनल आणि त्यावरचे व्हिडिओज बघण्यासाठी चॅनलला फॉलो करा :

—

—

===

हे ही वाचा – महाराष्ट्राच्या सुपुत्राने लावलेला शोध आज ८ देशांमध्ये वापरला जातोय!

===

 

हे शक्य करून दाखविणारा तरुण म्हणजेच विवेक कुमार पटेल. हा उत्तर प्रदेशच्या कौशांबी जिल्ह्यातील गुदडी ह्या गावात राहतो. बाईक इंजिनवर तो अनेक वर्षांपासून काम करत होता.

 

===

हे ही वाचा – घर घेण्यासाठी त्रास झाला, म्हणून या भारतीयाने अनेकांचा ‘घर शोधण्याचा प्रश्न’ सोडवला!

===

बाईकच्या इंजिनमध्ये एक छोटासा बदल करून त्याने बाईकचे एव्हरेज १५३ किलोमीटर प्रती लिटर करण्याचा चमत्कार करून दाखवला आहे. विवेक कुठल्याही बाईकमध्ये आपल्या टेक्निकचा वापर करून तो त्याचे एव्हरेज ३०-३५ किलोमीटरने वाढवू शकतो.

विवेकने केलेला हा बदल केवळ एक बदल नसून ती एक टेक्निक आहे. कारण त्याला उत्तरप्रदेशच्या कौन्सिल ऑफ सायंस अंड टेक्नॉलॉजी आणि अलाहाबाद च्या मोतीलाल नेहेरू नॅशनल इंस्टिट्यूट ऑफ टेक्नोलॉजी ने प्रमाणित केले आहे.

 

 

रिपोर्ट्सनुसार, उत्तरप्रदेश कौन्सिलने विवेकच्या ह्या प्रयोगाला इनोव्हेटिव्ह टेक्निक म्हणून प्रमाणित करण्यासाठी मोतीलाल नेहेरू नॅशनल इंस्टिट्यूट ऑफ टेक्नोलॉजीच्या मॅकेनिकल डिपार्टमेंटकडून ह्याचे परीक्षण करवले. आणि त्यात ही टेक्निक बरोबर असल्याचं समोर आलं.

ह्याबाबत सांगताना विवेक म्हणतो की,

“मी ह्या टेक्निकच्या माध्यमातून बाईक, जनरेटर तसेच इतरही काही वाहनांचे एव्हरेज वाढविण्याचा प्रयोग करत होतो. हे काम करण्यासाठी मला २ वर्ष लागले.”

 

 

ह्या टेक्निकमध्ये केवळ बाईकच्या कार्बोरेटरला बदलावे लागते. विवेक बाईकमध्ये लागलेला कार्बोरेटर काढून त्याने बनवलेले कार्बोरेटर लावतो. त्यानंतर बाईकचे एव्हरेज वाढते. यात साधारण ५०० रुपयांचा खर्च येतो.

युपीसीएसटीने ह्या आयडियाच्या पेटेंट रजिस्ट्रेशनसाठी देखील अर्ज केला आहे. पेटंट मिळाल्यानंतर ह्या टेक्निकचा कमर्शियल वापर होऊ शकेल. पेटंट मिळाल्यानंतर बाईक बनविणाऱ्या कंपनी ह्याला विकत देखील घेऊ शकतात. ह्याचा वापर करून अधिक एव्हरेज देणाऱ्या बाईक तयार केल्या जाऊ शकतात. त्यामुळे कंपनीचा सेल आणि नफा वाढू शकतो. तर दुसरीकडे याने पेट्रोलचा वापर देखील कमी होईल.

कटरा येथील श्री माता वैष्णोदेवी विद्यापीठाच्या टेक्नोलॉजी बिझनेस इंक्युबेशन सेंटरने विवेक च्या ह्या नव्या टेक्निकला स्टार्टअप म्हणून रजिस्टर केले आहे. ह्या स्टार्टअप प्रोजेक्टकरिता सेंटरकडून मदत म्हणून ७५ लाख रुपये स्वीकृत केले गेले आहेत.

—

आमचं युट्यूब चॅनल आणि त्यावरचे व्हिडिओज बघण्यासाठी चॅनलला फॉलो करा :

—

—

===

हे ही वाचा – यापुढील प्रत्येक बाईक रोड ट्रिप यशस्वी करण्यासाठी या आठ उपयुक्त टिप्स कायम लक्षात ठेवा!

===

व्हिडिओजसाठी फॉलो करा : इनमराठी युट्यूब चॅनल

–

 शेअरचॅटवर मिळवण्यासाठी क्लिक करा: इनमराठी शेअरचॅट ग्रुप

–

आता इनमराठीच्या लेखाच्या अपडेट्स मिळवा टेलिग्रामवर! जॉईन करा टेलिग्राम चॅनल: https://t.me/InMarathi

–

आमचे इतर लेख वाचण्यासाठी क्लिक करा: InMarathi.com | आमचे सर्व लेख मिळवण्यासाठी फॉलो करा : फेसबुक | ट्विटर | इंस्टाग्राम  | टेलिग्राम । शेअरचॅट | Copyright © InMarathi.com | All rights reserved.