आमच्या लेखांच्या अपडेट्स मिळवण्यासाठी आमच्या फेसबुक पेजला नक्की Like करा: facebook.com/InMarathi.page
===
लग्नामध्ये फोटोग्राफी हा एक अत्यंत महत्त्वाचा असा भाग असतो. नवरा नवरीच्या आयुष्यातील हा अनमोल क्षण टिपण्यासाठी फोटोग्राफर्सचा संपूर्ण लवाजमा असतो. विविध कॅमेरे, लेन्सेस आणि उपकरणांचा वापर करून हे फोटोग्राफर लग्नाच्या दिवसाच्या आठवणी साठवत असतात. पण इस्रायलचे फोटोग्राफर सेफी बर्गरसन यांनी कोणताही लवाजमा न वापरता केवळ एका फोनद्वारे संपूर्ण लग्नाची फोटोग्राफी करण्याची करामत केली आहे. त्यांनी iphone 6 चा वापर करून ही फोटोग्राफी केली. विशेष म्हणजे प्रोफेशनल कॅमेऱ्याच्या फोटोएवढेच सुंदर फोटो फोनद्वारे मिळवण्यात त्यांना यश आले.
सेफी बर्गरसन हे २००७ पासून भारतीय विवाह सोहळ्यांचे फोटो टिपत आहेत. काहीतरी वेगळे करायचे म्हणून नवरी आणि तिच्या कुटुंबीयांना विश्वासात घेत फोनद्वारे सोहळा टिपण्याचा निर्णय घेतला. iPhone 6S Plus द्वारे त्यांनी संपूर्ण लग्नाचे फोटो काढले आणि ते एडीटही फोनवरच केले. उदयपूरच्या महालात हा विवाहसोहळा संपन्न झाला होता.
सेफी म्हणाले,
थेट एवढ्या मोठ्या सोहळ्यात मी हा धोका पत्करला होता, पण आयफोनवर हे शक्य होऊ शकते याचा मला विश्वास होता. स्पेशल लायटींग वापरण्याऐवजी मी नैसर्गिक लायटींग वापरण्यावरच अधिकाधिक भर दिला. केवळ काही ठिकाणी छोट्या एलईडी लाइटचा वापर केला. फोटोग्राफी ही एक भाषा आहे आणि फोटोंच्या माध्यमातून तुम्हाला खूप काही बोलता येते असे ते म्हणाले. या प्रयोगाचा रिझल्ट फारच उत्कृष्ट होता, माझे त्यासाठी भरपूर कौतुकही झाले. काढल्यानंतर काही क्षणांत फोटो शेअर करता येणे ही सर्वात चांगली बाब होती.
हे पहा अजून काही भन्नाट फोटोज…
विश्वास बसतच नाही ना..?
महागड्या कॅमेराची फोटोग्राफीही ह्यासमोर फिकी पडावी!
म्हणतात ना फोटो कॅमेऱ्याने नाही तर क्रियेटीव्हिटीने टिपले जातात.
इतकी भन्नाट फोटोग्राफी पाहून वाटतंय ना की आपण पण आपल्या कडच्या मोबाईलने हे एकदा ट्राय करून पाहिलं पाहिजे… चला तर मग चांगल्या कॅमेरा क्वालिटीचा फोन असेल तर नक्की प्रयत्न करून पहा…
===
आमचे इतर लेख वाचण्यासाठी क्लिक करा: InMarathi.com तसेच, आमच्या लेखांच्या अपडेट्स मिळवण्यासाठी आमच्या फेसबुक पेजला नक्की Like करा: facebook.com/InMarathi.page । Copyright (c) 2017 InMarathi.com | All rights reserved.
