मेड इन चायना, डुप्लिकेट वस्तूपासून जरा जपून… समजून घ्या!

इनमराठी टीम

5 years ago

आमचे सर्व लेख मिळवण्यासाठी फॉलो करा : फेसबुक | ट्विटर | इंस्टाग्राम |

===

बऱ्याचदा आपण स्वस्त म्हणून मोठ्या ब्रँडचे प्रोडक्ट डोळे झाकून खरेदी करतो, पण मग आपल्या लक्षात येते की ती वस्तू ओरिजिनल ब्रँडची कॉपी आहे. तर अशी उत्पादने खरेदी करत असाल तर सावधान रहा.

उत्पादन बनावटी असू शकते. तसे पाहिले तर हँडबॅग आणि परफ्यूमपासून ब्रँडेड स्ट्रॉबेरी ते केळीपर्यंत बनावटी निघू शकते. पण सर्वात जास्त बनावटी चप्पला तयार होतात. त्यानंतर कपडे, कातडी वस्तू आणि गॅजेट्स. चला जाणून घेऊया कुठे तयार होते बनावटी उत्पादन!

मोठ्या ब्रँड्सची नक्कल सर्वात जास्त चीनमध्‍ये होते. एका अहवालानुसार ६३.२ टक्के बनावटी वस्तू बनवल्या जातात. याबाबत भारत १.२ टक्क्यांसह पाचव्या क्रमांकावर आहे. २०१६ देशांमध्‍ये बनावटी वस्तूंची आयात करण्‍यात आली. हे एकूण जागतिक आयातीतील २.५ टक्के आहे. २०१६ मध्‍ये जगात एकूण १७.९ लाख कोटी डॉलरची आयात झाली होती.

सर्वाधिक नक्कल अमेरिका, इटली आणि फ्रान्सच्या ब्रँड्सची होते. युरोपियन युनियनमध्‍ये ५ टक्के आयात वस्तूंमध्‍ये नकली माल असतो. सर्वाधिक ६२ टक्के नकली वस्तू पोस्टाच्या पार्सलमधून मिळतात. २००८ मध्‍ये १.९ टक्के आयात उत्पादनात नकली होते, २०१६ मध्‍ये ३.५ टक्क्यावर पोहोचले.

बनावटऑटो पार्ट्स लवकर खराब होऊ शकतात. बनावटी औषधांमुळे लोक जास्त आजारी पडतात. बनावट खेळण्‍यामुळे मुलांच्या आरोग्यावर परिणाम होऊ शकतो. तपासणी यंत्र चुकीची माहिती देऊ शकते.